AF222a: 89v

hāḏihī r‑risālatu muḫtāratun mina l‑Arabādīnāt [?] allafahū Bašīr Čalabi […] al‑Qanwīn [?] // saqā llāhu ṯarāhu wa‑ǧaʿala l‑ǧannata maṯwāhu bi‑smi llāhi r‑raḥmāni r‑raḥīm

ṣıfat‑i dārū‑yi cism aq ʿanzarūt iki direm çeşm‑zen dögül [?] // ıṣlanmış qabından ayırtlanmış bir direm nebāt sekiz direm zaʿferān buçuq direm // mürr‑i ṣāfī bir çekirdek ṣabır bir çekirdek afyūn dört çekirdek fāʾide // ṣıfat‑i biḫalḫa [?] yaʿnī başına uracaq vaqtā ki başda ḥarāret çoq ola ḥaddin // geçe ṭamarlar ata ʿaqlı bile olmaya gözlere aġırluq ola gül yaġı otuz direm tīz // sirke yigirm[i] beş direm gülāb yigirm[i] direm bu üçini bir çanaġa qoyalar şöyle // qaşıqla ura ki qoyıla dört çekirdek kāfūrı yarım qaşıq gülābla eze daḫı bu // cümleye qata kettān bezin ıṣlada daḫı başa ura defʿa defʿa ıssı ıssı fāʾide // ṣıfat‑i ṭılā ol vaqt ki yürege ḥarāret müstevlī ola bī‑qarār ola ārāmı // āsāyişi qalmaya ʿaqlında ḫalel ola işbu terkīb tertīb ėdeler bī‑qarār ola // evvelā qızıl gül on direm qızıl ṣandal sekiz direm aq ṣandal yedi direm fū[l]füli [!] // üc direm kāfūr iki direm misk beş çekirdek miskden kāfūrdan ġayriyi // dögeler elekden geçüreler kāfūr ile miski bir arada dögeler ol dögilmiş otdan // qatalar anuñla ovalar cümlesin bir araya cemʿ ėdeler ol vaqt ki gögüsde ve başda // ola ol ʿalāmetler ẓāhir ola eger ḫıyār vaqti‑yse beş qaşıq ḫıyār ṣuyıla // bir qaşıq gülāb beş qaşıq ṭatlu elma ṣuyı beş qaşıq ekşi elma ṣuyı // beş qaşıq ayva ṣuyı dört qaşıq sirke ol terkībden üc direm // bu ṣularda ezeler ṭabīʿatda ḥarāret ġālib ise defʿātle ṣovuq // uralar ṭabīʿat ṣoʾuqdan nefret ėderse ılıdalar ıssıcaq uralar bu // ẕikr olınan beş bulunmasa sirke‑yle gülābın ziyāde anuñla uralar // ġıdāsı